|
Ek's binnekort op Twitter en sal jou meer as eenkeer daagliks op hoogte kan hou. Sluit aan (steve_hofmeyr). Dis verniet! Lees onder oor Mandeladag en tee. As hierdie DIS HOE DIT IS ooit deur ‘n ander geselsprogram onttroon word, wil ek tog net daar wees om dit te sien. Wat ‘n reeks (ons is in Januarie genomineer saam drie ander vir top "talkshow" in Suid Afrika. Ons hoor einde Feb.). Daar het so baie gebeur dat ek net hier en daar onthou. 
Liani bo. Gorgeous.
As jy aansluit by ons wanneer dit draai op KykNet teen April, sal jy sien hoe:
- ek en my groep kaal speel (vir die nudis Beau Brummel) 
(...en Beau wat weier om uit te trek!)
- ek en Parlotones uitgestof word deur Heuwels Fantasties in ‘n TV-boulkompetisie. Hulle het hulle s’n 7.38 meter ver gesmyt.
- hoe iemand anders my stoel inneem en DHDI aanbied. Nogal goed ook.
- ek en vriende ‘n paar drolle se bakkies van die skerms afgooi met eiers.
- ek liedjies vanaf my nuwe Cd “eenduisend en een” kon doen.
Die beste, seerste en oulikste onderhoude en gesprekke ooit. Ek het self twee keer die knop in my keel koes afsluk, maar uiteindelik lag ons darem baie meer as huil. 
Well done ALMAL wat daarop gewerk het. Julle MOET die top span in die land wees.
 Bo is die DHDI span. Ek en Andries het ons laaities saam gebring. Solank as wat ek in hospitale rondhang, sal Janine en haar media maatjies my skuld. En ek sal eis. En eis. En eis. En ek het nog nie begin nie. Gesondheid kan nie onderskat word nie. Ek het myne verloor.
Verder gaan dit goed. Ek vat af na DHDI en sal teen die 22ste weer reg wees vir die voltooiing van daai laaste paar Solitary Man vertonings. Die nuwe CD (duisend en een) is klaar, maar sal eers in April verskyn. Ek het een Johan "De La Rey"Vorster lied opgeneem (die eerste keer dat ek 'n kontemporere liedjieskrywer se werk gebruik!) en neem binnekort die Affies Seunskoor daaroor op. Heit. Ons lyne werk. Na drie blerrie weke. Skakel gerus.
 Almal vier Mandela dag. Daar's mooi stories van onthou en verligting. Vir baie 'n verlossing. Hy was nie 'n slegte ideaal nie, maar beslis ene wat ons glad nie kon haal nie. Dis jammer. Ek weet nie watter ander vredeliewende opsies oor was nie en ek dink wel dat elke Afrikaner opoffering om hierdie land te bekom en op te bou uit niks, in ons gesig terug gegooi is. Die Verkenners is bietjie kwaaier as ek, en nie sonder gronde nie. Hulle skryf:  Sommer op die voormiddag van die dag waarop die vrylating van Nelson Mandela twintig jaar gelede in herinnering geroep word, basuin die nuus dit uit: ‘n bejaarde egpaar is vermoor in hulle huis in Mayville gevind.
Enkele dae gelede dien die Staat dokumentasie in om ‘n aansoek dat die nasionale taalwet in werking gestel moet word, te opponeer, en die boodskap is duidelik: Afrikaans as taal staan op sy eie, en die Staat sal niks doen om Afrikaans te bevorder of te beskerm nie. Die dorp Piet Retief se naam is verander in iets onuitspreekliks en onbekend, terwyl daar steeds getorring word aan Pretoria se naam. Sal al die lofsangers van Mandela se vrylating 20 jaar gelede nou vir een maal in hulle lewe die moed hê om op te staan, en ruiterlik te erken dat dit is wat hulle graag wou gehad het? Dat weerlose oumense twintig jaar later vasgebind en wreedaardig en lafhartig vermoor word? Dat die Afrikaanse taal twintig jaar later in ‘n oorlewingstryd soos nooit tevore geforseer word? Dat Suid-Afrika onherkenbaar vermink word met vreemde name, waar die laaste prioriteit skynbaar dienslewering is? Mnr. De Klerk moet nie pleit dat hy niks anders kon doen nie. Hy moet nou reguit sê of hy nou tevrede is, en of hy bereid is om enigiets méér te doen om die onreg teen die Afrikaner te herstel, behalwe om akademiese gesprekke oor die taal aan te bied. Intussen is dit duidelik dat die Afrikaner twintig jaar na Mandela se vrylating, al hoe meer na homself moet omsien. Hy sal moet sorg dat hy voorbereid is om misdadigers ‘n warm ontvangs te gee, want moorde soos dié in Mayville, kan eenvoudig nie voortgaan nie. As dit dan so is dat Afrikaans “op sy eie is” en die gebruikers daarvan self vir die taal moet sorg, moet ons dit as ‘n taaloorlog sien, en moet Afrikaanssprekendes nou meer as ooit op hulle taalregte staan, en weier om die taal van die voormalige kolonis te praat op enige plek of onder welke omstandighede ook al. En die vertroude plekname moet in die volksmond behoue bly. Intussen moet alle denkbare en werkbare alternatiewe ondersoek word, om die Afrikaner weer ‘n vrye volk in ‘n vrye vaderland te maak. Meningspeilings in Beeld en Die Burger het reeds oorweldigend bewys dat ‘n volkstaat ‘n al hoe meer aanloklike alternatief word vir die bedeling wat begin het met Mandela se vrylating 20 jaar gelede. *
JZ se toespraak was vir my "more of the same". Geen detail, uiters vervelig. Maar ons sal in 'n ander land bly as alles haalbaar is. Kom ons kyk.
*
Die pic doen die rondtes. Ek stem amper saam. 
Ja, ja, ja...Onthou Twitter. Sluit aan en ek gesels deur die dag in kort opsommings met jou oor waar ek is en wie ek met tee gooi... Lekker-lekker
Steve (DHDI foto's deur Louise, David en Harvey) |
Dankie Dirk en Carien vir die pragtige boek wat ek lees: The History Of Love. Dis vrek mooi en presies die onderwerpe wat my meeste boei: tyd en verganklikheid.
"Afriforum het pas ʼn dringende skrywe aan die Suid-Afrikaanse Skeidsregtersvereniging gestuur met die versoek dat die vereniging sy besluit om die rugbyreëlboek voortaan slegs in Engels beskikbaar te stel, te heroorweeg. Dit volg nadat AfriForumlede (ondersteuners en skeidsregters) gekla het omdat die boekie nou nie meer in Afrikaans beskikbaar is nie." Kallie, geluk met Maandagaand. Deon Maas sal nie in hierdie eeu opgewasse wees teen jou nie. Sy ideologie is so oud soos die berge. Anders as Riaan en Deon, is shockjocks gewoonlik taamlik ingelig.
Rapport rubriekskrywer Roof Bezuidenhout is nie dom nie, maar na 
