Steve on Facebook
Steve is now officially on FB! Click on the image to be taken to his page.
Steve on Twitter
Basic authentication is not supported
Bulembu Lodge - Mozambique
|
|
100 Greatest South Africans, MOST HATED South Africans |
 |
 |
 |
|
Tuesday, 07 September 2010 13:39 |
|
Teen 2005 het die BBC se 100 Greatest Britons die idee van dergelike meningspeilings wêreldwyd laat posvat.
  Hul eie 2002 kompetisie het name soos Churchill en Lady Diane in hul top 3 gehad. Darwin (4), Shakespeare (5) en Newton (6) was daar en die Koningin (7) kon John Lennon (8) met net een plek baasraak.
Soos ‘n veldbrand het die idee versprei en meer as 20 lande het dadelik opinies ingesamel oor wie hulle op daardie stadium as hul belangrikste burgers geag het.
Bykans geen land se resultate is in vrede ontvang nie. Natuurlik word so ‘n lys relatief na gelang van sekere geldige vrae:
 1. Is die persoon in die land van die peiling gebore? (Verwoerd was Hollands)
2. Is dit belangrik? (Hy was ‘n Suid Afrikaanse Eerste Minister)
3. Watter kanaal of stasie behartig die inskrywings (jy kan seker wees dat lyste van Metro FM en RSG byvoorbeeld, hemelsbreed sal verskil)
4. Hoe bereik mens almal in ontwikkelende lande? (goeie vraag)
5. Wat as Hitler die top 10 sou maak in Duitsland? (Die Duitsers het hierdie slaggat vermy deur by voorbaat alle Nazi’s te diskwalifiseer)
6. Sou bogenoemde gemanipuleerde uitslae dan demokraties wees? (Nee)
In September 2004 het Suid-Afrika dieselfde oefening op SABC 3 probeer. Duisende Suid-Afrikaners kon deur ’n verskeidenheid media, stem vir hul gunstelinge. Die aanbieders was Denis Beckett en Noeleen Maholwana Sangqu. Die uitslag het ‘n manies opwagting veroorsaak maar is uiteindelik ongunstig deur die media ervaar. Veral in lande waar demokratiese stemme nie lekker sit nie of waar puriteine voel die breindood massa sal moet voorgeskryf word. Dit was die geval in amper elke land wat hieraan deelgeneem het.
  Behalwe Alexander Graham Bell, het Kanada meer onlangse ikone vereer, met slegs 5 Kanadees gebore wenners. Hulle het dadelik speels die top tien minste-gewilde-peiling geloods (hier het Celine Dion goed gevaar!).
Lande met ryk geskiedenis, soos Italië en Griekeland, het natuurlik groter probleme gehad. Om die uitvinder van die ‘Papsmeer’ (George Papanicolaou 1883-1962) derde naas Alexander die Grote en Aeschylus te plaas, moes Sokrates, Aristoteles en Plato plek maak vir hom. Die Zorba skrywer Nicos Kazantzakis het Maria Callas (23) sommer vêr uitgestof wat op haar beurt met Archimedes (24) afgereken het. Die debatte was aan en gou moes die Grieke hul wenners in kategorieë opdeel, soos denkers, genres en ouderdomme, ens.
 In die De Grootste Belg in België was daar slegs twee figure uit die laaste eeu in hul top tien. Jacques Brel (7) was een. Kim Clijsters (14) was hul wunderkind en verreweg die jongste op hul lys. Hul eie Gandhi, Vader Damien, het die nommer een plek beklee vir sy sending werk onder melaatses. Filantropie is 'n groie kwalifikasie, maar nie in alle lande ewe belangrik nie.
  Die Franse purteine was aan mekaar toe historiese reuse soos Joan of Arc en Napoleon hul top tien nie kon haal nie. Charles de Gaulle (1) en Louis Pasteur (2) het die Franse lys gelei. Die alombekende TV Oseanograaf, Jacques Cousteau, was slegs twee plekke naas die dramaturg Moliere (8). Die eksistensialis Jean-Paul Sartre kon die akteur Gérard Depardieu (99) met slegs drie plekke uitstof.
Behalwe vir Elvis (8) en Oprah (9), word die Amerikaanse Greatest American top tien beset deur politici. Reagan was toe nog los voor, met Clinton (7) en Bush (6) kort op sy hakke. Ek vind hierdie lys die interessantse. Billy Graham was 11 de, Walt Disney 13 de en Muhammed Ali 21ste. Die Yanks moes veral bontstaan oor hul top 100 statistieke: 85 mans, 15 vroue, 84 wittes en 16 die res. Slegs 42 van hul genomineerdes het nog gelewe.
  Die Grootste Nederlander was in 2004 gehou, en die sluipmoord slagoffer (konserwatiewe, gay aktivis en anti-Moslem politikus) Pim Fortuyn, was loshande bo aan. Die uitslag was so omstrede soos sy lewe en die Hollanders was aan die brand. Hy het korte mete gemaak van die Prins van Oranje (2), Rembrandt (9), van Gogh (10) en Anne Frank (8). Nederland se Fanus Rautenbach, Toon Hermans, kon slegs die 22 ste posisie haal.
  Kansellier Adenauer was die sensitiewe Duitsers se politieskorrekte keuse, gevolg deur ‘n skitterende nominasies soos Luther (2), Marx (3), Bach (6), Goethe (7), Johannes Gutenberg (8), Einstein, (10). Ludwig van Beethoven (12) was ook daar.
Bono was Ierland se nommer een burger en, nee, Jesus was nie op die top 100 Israeliese lys (wat oorwegend deur politici beslaan word) nie. Toemaar, nie Abraham, Moses of David was op hul lyste nie. Hul ministers Ben Gurion en Rabin was die top twee Israeliete.
   Tuis was dit chaos. Gepas het Mandela die Suid Afrikaners se top 10 uit gelei. Gevolg deur hartchirurg Chris Barnard (2) en FW de Klerk (3). Daarna Gandhi, die vigslyertjie, Nkosi Johnson (5) en toe Winnie (Mandela). Die laaste vier op die top tien was Mbeki, golf legende, Gary Player, Jan Smuts en Desmond Tutu. Hiermee kon meeste saamleef, maar toe Verwoerd vir Hani, Suzman, Tambo, Sisulu en Luthuli uitstof, was daar perde. Ek self (32) was nie vergewe toe ek tussen Tambo en Sisulu kom kop uitsteek nie. Dis nodig om te noem dat Hansie Cronje toe nog die 11de posisie kon hou en Eugene Terre’Blanche nommer 25. Shaka Zulu was veertiende. Dit is natuurlik debatteerbaar of Verwoerd meer Suid Afrikaners vermoor het as Shaka, maar in Duitsland sou nie een hulle moontlik die lys geruik het nie. Vergelyk ET met Mandela, as jy wil. Eina. Begin jou debat sommer hier. Wie het die meeste Suid Afrikaners verloor? Die koningin of Shaka Zulu? Of die ANC? Wie weet?
Meeste lande het die hele toernooi as bloot vermaak gesien. Ander het hulle top vyftig summier alfabeties aangebied, om polemiek te vermy. Onnodig om te sê, dat ons vandag beter weet. ’n Reënboognasie vereis niks minder as ’n reënboog peiling nie. Hierdie is nie ’n kompetisie vir lande met ’n ligte demokratiese gestel nie. Suid-Afrika sal dit moontlik nie binnekort weer waag nie.
  En indien dit wel geskied sou mens wonder of ons president, Jacob Zuma, wat die 2005 peiling geheel en al gemis het, darem Mev. Ples sou kon uitstof. Ons oudste nominasie uit Sterkfontein se grotte was daardie jaar darem 95ste.
Hierdie week se MOST HATED South Africans sal seker wissel tussen Julius Malema, arme Div, armer Habana, Zuma, Bees Roux, die ET verdagtes, hospitaal stakers, Randall Abrahams, Pakistaniese kolwers, Loui Fish se slaggat, die ANC Tribunaal en Lukas van 7de laan se kapers (die bliksems). My eie lysie lyk effe anders.
*
 Ek het die Gariepfees terdee geniet. My konsert was in die Workshop, beter bekend as die Bikers Church. Hoe cool. Dankie vir my Bikers Bybeltjie. Sal later daaroor skryf.
*
Lees ook my Jacaranda blog.
Ek dink gays hoef slegs te bieg oor hul seksualiteit as en waneer hulle wil.
Hierdie besluit KAN NIE in die hande van die pers gelos word nie.
Ek bid vir 'n Spaanse Inkwissie in jou hart en lewe, meneer god-die-media. Fokken skaam julle.
*
 Ek het my sesde boek begin skryf...hoekom doen ek dit aan myself? Om dit te voltooi moet ek een moerse studie afsteek in barok musiek, relatiwiteit, genetika, die Boereoorlog (ek lees Preller se Piet retief, 1912) en, wel, die toekoms. Hoe studeer mens die toekoms?
*
O ja, DIS HOEKOM ek dit doen. Ek kry hierdie beautiful briefie uit Korea (die X'e is myne):
Beste Steve
Ek wil nie se geagte Steve nie, bloot oor dit net te formeel klink. Ek dink jy is 'n gemaklike mens, en dis hoekom ek jou beste Steve aanspreek. Nie dat ek jou enigsins ken nie. Ekskuus, kom ons begin by die begin. Ek is X, wat tans in [Korea] skool hou. Ek het op X in die Karoo groot geword en was in Sub B toe jy die eerste keer daar kom sing het. Ek is 'n baie groot aanhanger van jou musiek, lirieke veral, aangesien dit nie die oppervlakkige goed is waarmee party mense vorendag kom nie, maar omdat dit woorde is vir die siel. Verlede Vrydag was dit my 23ste verjaarsdag. Mens dink dis baie vreemd om in 'n vreemde land te verjaar, maar dit was die lekkerste dag ooit. Al wat ek wou he was jou boek, Vier briewe vir Jan Ellis Gister uit die bloute het die pakkie hier opgedaag van my ouers af. En binne in was die klein blou boekie. Ek wou elke dag net een hoofstuk lees, maar toe ek begin lees daaraan, kon ek dit eenvoudig nie los nie. Oh ek het bitterlik heimwee gekry toe ek dit lees, want dis met soveel deernis en teerheid geskryf. Ek sit in Korea, myle van Suid-Afrika af, en het gevoel asof ek self die skoot hoor klap het toe Mnr Wolfaard geskiet is. Dis so fantasties om Jan se emosies te ervaar. En dit was werklik vir my so groot voorreg om dit te kon ervaar. Die mooiste deel was "Daar's oumens trane. Hulle hang daar. Hulle drup nie." En "vergifnis sonder gif is mos maar vernis." Dis baie hartseer om te dink dat mense sulke pyn ervaar, dat daar soveel seerkry, onregverdigheid en hartseer is. Maar die boek raak mens se hart aan. Vandag het ek heeltyd gedink aan Jan Ellis. 'n Karakter uit 'n boek wat my heeldag  by bly. Maar dankie dat ek 'n stukkie van die huis, van ons Land kan he, terwyl ek in die vreemde is. Dis die mees omskrywende boek wat ek nog gelees het, wat die beste geskryf is. Dis hoekom ek jou beste Steve noem.
Dankie dat jy skryf Steve. Dankie dat jy se wat die res van ons nie kan nie. Dankie dat jy eerlik en opreg is, jou lewe, jou liedjies, jou gedigte en jou stories Dankie dat daar teer emosie is in alles wat jy se. Dankie dat jy nie bang is om te se wat jy dink, of wat jy voel nie. Ek haat die huisgenoot vir wat hulle aan jou gedoen het om sensasie te veroorsaak. Daar is mense wat nie glo wat in die huisgenoot staan nie. Ek hoop daar is nog baie idees in jou kop vir stories oor die lewe. Baie dankie vir jou musiek. Luister musiek, musiek wat sin maak, seer maak, lief maak. Hoop elke dag is vol nuwe stories en liedjies. Ek waardeer dit wat jy doen vir ons samelewing.
Baie liefde uit Korea
X
*
Lekker om te sien my Facebook is in die top tien Facebooks in SA. En steeds groeiend. Dankie aan almal wat daar kuier en ons lewend hou. Vertel vir almal. Ek het klaar 'n moerske paartie belowe as ons die 100 000 lede oorsteek. Op my!
*
A gentleman asked a waiter to take a bottle of Merlot to an attractive woman he spotted dining alone. The waiter took the Merlot to the woman and said, "This is from the gentleman seated over there," indicating the
sender. She regarded the wine coolly for a second, not looking at the man, and decided to send a reply note to the man. The waiter, who was lingering for a response, took the note from her and conveyed it to the gentleman. The note read:
"For me to accept this bottle, you need to have a Mercedes in your
garage,a million dollars in the bank, and 7 inches in your pants."
After reading the note, the man decided to compose one of his own in return. He folded the note, handed it to the waiter and instructed him to return this to the woman.
It read:
"For your information, I have a Ferrari Maranello, a BMW Z8, a Mercedes CL600 and a Porsche Turbo in my garage. There is over twenty million dollars in my bank account... But, not even for a woman as beautiful as you,
would I cut three inches off. Just send the bottle back."
*
Bookmark these four sites to keep in touch with Steve’s everyday doings&writings:
1. Steve se "DIS HOE" dosis op Jakaranda
2. Sy nuwe dinamiese Facebook kring
3. Sy alomberugte webblad (waar jy nou is!)
4. En Twitter (vir daaglikse oppad inskrywings)
5. Of skryf vir lidmaatskap aan die KIT fênklub! Box 288, Cornwall Hill, 0178 en braai saam my teen die einde van die jaar. |
|
|
ANC v MEDIA, Slapelose Nagte, Rasperste stem, Steinman. Vreemde skoene. |
|
|
|
|
Thursday, 26 August 2010 00:36 |
|
Armand, geluk met jou verjaarsdag (26 Augustus). 21! Pa se seun! Jy deel hierdie b-day met McCauly Culkin en Moeder Theresa. Ek vra jou...
*
  Uiteindelik klaar met ATLAS SHRUGGED. Dit sal die beste boek wees wat ek ooit gelees het, en moontlik ooit sal. Ironies was THE FOUNTAINHEAD, ook deur Ayn Rand, my vorige #1. Maar jy’t hare op jou tande nodig vir daardie 1080 bladsye literatuur, filosofie, politiek, sosiologie, teologie en romanse.
Nou lees ek TEMPERAMENT (die geskiedenis van klaviere) en Brink se DIE KREEF RAAK GEWOOND DAARAAN. Ek moet die enigste Suid Afrikaner wees wat nog nie Andre P. Brink gelees het nie. Wat kan ek verwag?
*
 Die ANC en Pers verdien mekaar
As wetgewing geen berriggewing beperk behalwe die onredelike nie, staan ek bankvas daaragter. As jy die media leer ken sal jy jou boeglam skrik om te verneem aan wie se hande ons ons moraliteite toevertrou. Natuurlik dink hulle hulle verdien voogdyskap oor ons gestremde massas. Jy kan nie hierdie morele verantwoordelikheid aanvaar as jyself nie verantwoording doen aan iets of iemand nie. Teen Sondag, Rapport en Huisgenoot het ek eintlik nog niks gedoen nie, behalwe om hulle skatryk te maak. Eersgenoemde belaster en beledig my en my familie al vir twee jaar amper op ‘n weeklikse basis. Hulle weet dit en kry selfs lekker in hul magsdronkenskap. Dit is wat gebeur as jy ‘n siek verskoning vir ‘n mens soos Yolanda Barnard, Esmare Weideman en Gavin Prins die goddelikke “untouchable” maak. Jy kry Robert Mugabe. ‘n Sondag of wat gelede het Sondag ‘n groot foto van my en Natasha by ‘n artikel oor seksuele teistering. As dit is waarmee hulle mag wegkom, steun ek die tribunaal.
As iemand wat sonder ‘n enkele sent uitstap by ‘n skeisaak sal dit dwaas wees om hierdie drie boelie institusies in ‘n hof te probeer kry. Ons mediamagnate is skatryk en noteer al wêreldwyd. Ons klein mensies is hulle werkers en ‘n individu staan nie ‘n kans nie en die media vertrou daarop dat ons dit weet. Ons is nie die regering wie werklik aan ons moet boete doen nie (ons betaal belasting vir die voorreg). Ons is nie die regering wat kan bekostig om media instansies hof toe te sleep nie. Ons is gewone sterflinge. Ons moet huis toe skarrel vir verbete skadekontrole, pleistersplak, sielkundiges, kinders paai en aan vriende en familie probeer verduidelik waar en waneer die media ons disproporsioneel sou straf.
As Jackson Mthembu (ANC woordvoerder) vertrou kan word, staan ek by hom: “...it is not a prepublication censoring mechanism, you still write what you want to write... but where you are writing wrongfully ...reporting maliciously and in a defamatory manner about a person, such a person should have recourse.”
Ek vra elke skrywer wie se naam op Andre Brink se anti-tribunaal lys pronk: wat presies is verkeerd hiermee?
My onderving: Persombudsmense is gekastreerde koerantmense beperk tot die woordeskat “we apologise”. Dit is eenvoudig nie goed genoeg nie.
Helaas, ek het tog my naam gevoeg by die skrywers wat vra dat die ANC nie hiermee wegkom nie. Bloot omdat ek die ANC so min vertrou as die pers. Hulle verdien mekaar.
(Foto bo by MZ Fotografie. Fassinerende foto's. Dankie Marina)
*
Hier doen ek, Michelle en Bryan die Mandela Legacy prints. Dankie aan die DA daar vir die warm ontvangs in Kaapstad.
*
Briewe soos hierdie maak my werk die moeite werd:
 Dear Lindi, I am a veterinary surgeon that specialises in wildlife carnivores and I travel a lot. I have recently been introduced to Afrikaans music. I have recently bought Steve's new cd Duisend En Een and I think it is brilliant. Would you please convey my congratulations to Steve for such an outstanding cd and I have introduced this cd to my staff members at Old Chapel Veterinary Clinic in Pretoria. My whole staff enjoyed it and went out to buy the cd. We support South African music and play it in the clinic and in my theatre during surgery. I work 12 to 14 hours a day and don't usually get time to do much else but I thought this cd was worth this email I am sending.
Kind regards
*
Dankie.
*
Hier is die “Best Selling Albums Of All Time” (in miljoene):
1 Michael Jackson, Thriller (100+)
2 AC/DC, Back in Black (45+)
3 Meat Loaf, Bat out of Hell (43+)
4 Pink Floyd, Darside of the Moon (43+)
5 Eagles, Their Greatest Hits (42+)
6 Dirty Dancing Soundtrack (42+)
7 The Bodyguard Soundtrack (42+)
8 The Phantom of the Opera (40+)
9 Backstreet Boys, Millennium (40+)
10 Saturday Night Fever Soundtrack (40+)...
 Hierna volg Fleetwood Mac, Shania Twain, Led Zeppelin, Alanis Morisette, The Beatles, Celine Dion, Mariah Carey en Michael Jackson. Hierdie lys mag verander het, maar lees hom so hier.
Van hierdie albums was daar slegs een persoon wat al die liedjies op een van hierdie CD’s geskryf het, en sy naam is Jim Steinman, met Bat out of Hell #3.
Jy weet nie, maar jy ken ou Jim goed. Hy is o.a. die komponis van die teatraal-dramatiese:
• Meat Loaf - Bat out of Hell en I'd Do Anything for Love (But I Won't Do That)"
• Bonnie Tyler - Total Eclipse of the Heart, Faster than the speed of night, en Holding out for a Hero (uit Footlose)
• Air Supply - Making Love out of Nothing at All
• Celine Dion - It's All Coming Back to Me Now
• Boyzone - No Matter What (as regisseur en skrywer)
• Fire Inc. - Tonite is what it means to be young. (uit Streets of Fire.)
• Barbara Streisand - Left In The Dark Again.
Self het hy ook gesing. Sy lied Rock ‘n Roll Dreams Come Through was ‘n groot radiotreffer wat vandag nog gehoor word.
*
Sebastian en Benjamin het hulle pa se musiek ontdek. Veral die Engelse songs. GHETTO SONG is vir Sebastian die mooiste, maar Ben hou van MAAK DIE BULLE ALMAL BOKKE. Dis vir hulle belangrik dat ek meer CD’s as Michael Jackson verkoop. Ek verduidelik dat dit onmoontlik is. But Dad? vra Ben. Why?
Sy neus is gesond.
*
Ek kry ‘n mooi sms’ie van Nadine op toer êrens in Europa waar sy sit en tjank oor Vier Briewe vir Jan Ellis. Mooi maak da doer! Ons mis jou.
*
Elke keer as ek ‘n boek skryf, belowe ek om nooit weer so iets gek aan te vang nie...en ek is al een derde deur my volgende ene. Ligte obsessie, miskien?
*
*
Dis my reg om in soveel dinge moontlik belang te stel. En ek studeer teologie, politiek, musiek, filosofie, literatuur, tegnologie, ens. Daarom vra ek jou om my ‘n lys te gun van nuus gebeure wat my, in die groter skema van dinge, rerig-erig die minste pla:
 1. Hoekom Lindsay Lohan in die tronk sit.
2. Met wie die Jonas broers uitgaan.
3. Nuus van enige boeke of flieks waarin mense se oë wit word as die son sak.
4. Nuus van enige boeke of flieks waarin mense ander mense byt vir bloed.
5. Wat in Joost en Amor se binnekamer gebeur. Rerig.
6. Boeke vir mense oor mense wat oornag ryk word.
7. ANC verskonings vir onder-prestasie en korrupsie.
8. Netwerk skinder en samesweringsteorië.
9. Big Brother Africa seisoen 66.
10. Absolute oordeel in die domein van kunste.
11. Absolute oordeel in die domein van selfone en karre.
12. Enigiets wat Koos Kombuis sê.
13. Enigiets wat Deon Maas sê.
14. Enigiets wat Paris Hilton sê.
15. Hoe laat die volgende episode van The Kardashian’s begin.
16. Esmare Weideman se persoonlike lewe (hou op inligting stuur, dankie).
*
Askmen.com se top 10 Amerikaanse karre is:
10. Die Ford Thunderbird
9. Chrysler Prowler
8. Pontiac Firebird
7. Mercury Eight
6. Saleen S7
5. Cadillac Eldorado
4. Tri Five Chev
3. Dodge Viper
2. Ford Mustang
1. Chev Corvette
Ja. Ja. Ja. Ek is eens met die lys (omdat ek twee van hulle besit!) omdat dit blerrie pretty is.
*
Hier’s ‘n lys van die top 10 mees bisarre skoene in die geskiedenis. Ek sweer.
*
  
Hoe hees kan jy wees?
Ag sê tog jy onthou vir Bob Seger. Van AGAINST THE WIND, OLD TIME ROCKNROLL en LIKE A ROCK. Sy grootste treffer was natuurlik die ballade WE GOT TONITE. Hy is in 1945 gebore en sing nog. Ek wou altyd soos hy klink, so asof die swembadsuur in my keel af my niks doen nie. Hees soos ‘n rasper. Ek wonder wie is die rasperstem van hulle almal. Uit Bryan Adams, Bonnie Tyler, Rod Steward, Bob Seger, en die klomp gaan my eerste twee plekke aan die Skotte, Frankie Miller (DARLING) en Dan McCafferty van Nazareth (LOVE HURTS). It’s the Scotch, my dear.
Luister hier hoe sing Frankie BE GOOD TO YOURSELF. Stukkend.
*
 Op IDOLS is Bongi en Peter West my gunstelinge sover.
*
Lees op my Jacaranda blog my tweede SA ANC monkey Puzzle. Hier.
*
Ek sing hierdie naweek in die Newscafe. Destyds is my musiek daar verbied. Nou gaan ek julle gatte skop...
*
Jammer. Ek was hierdie week in 'n LYS en ROCK bui.
Dit waai oor.
Tata
Steve
*
Bookmark these four sites to keep in touch with Steve’s everyday doings&writings:
1. Steve se "DIS HOE" dosis op Jakaranda
2. Sy nuwe dinamiese Facebook kring
3. Sy alomberugte webblad (waar jy nou is!)
4. En Twitter (vir daaglikse oppad inskrywings)
5. Of skryf vir lidmaatskap aan die KIT fênklub! Box 288, Cornwall Hill, 0178 en braai saam my teen die einde van die jaar. |
|
Mediaregte. Vrouedag, ne? Ben se crash. Malema. IDOLS. |
|
|
|
|
Sunday, 08 August 2010 20:45 |
|
Ek en Affies by Emperors. Ons sing You're Not Alone.
*
Die lewe is 'n golfie. Lees hier hoe ek ons bestaan in netjiese note oplos.
*
Gelukkige Vrouedag, dames!
Jammer girls, so maklik gaan ek julle nie laat wegkom nie. Kom ons praat gou nugter oor vroue:
Ons weet Vrouedag is soos mediasensuur, iemand is al weer besig om weg te kom met IETS! En hier gee ons julle ‘n hele dag om dit te doen. A, nee, a. Ek (en Askmen.com) wil net gou met die manne gesels....
Hier, menere, is 'n paar gek dinge wat vroue op Facebook doen:
1. Women set up fake profiles to follow exes on Facebook
2. Women manipulate through Facebook photos
3. Women post passive-aggressive Facebook status updates
4. Women post ambiguous relationship photos
5. Posting a fake relationship status
En 'n paar redes om te glo sy is oppad uit (jou lewe uit!):
1. She has a case of “mentionitis” (Sy noem heeltyd heel onskuldig iemand anders sê naam: Ja, Deon se ook dis ‘n lekker fliek, ens.)
2. She’s giving you space -- a little too much space
3. She brings up reasons to fight
4. She’s more mysterious
5. She’s less affectionate
Maar okei, ons vergewe die girls enigiets vandag...
*
 Mag ek noem dat die paswet protesoptog van vroue 52 jaar gelede beslis nie die eerste vroueoptog was nie. In die tyd van Louis Botha reeds, amper 50 jaar voor dit, het dames 'n suksesvolle optog gereel, wat sekerlik gesien kan word as die eerste een. My grootjie was deel daarvan. Natuurlik was dit wit, so ons sal nooit weer daarvan lees in Suid Afrikaanse geskiedenis nie. Maar sekere mans sal dit nie vergeet nie. Dankie. Goed gedaan aan die matriarge tussen ons voorouers wat ook op die veldslae die sanna met buskruit gestop het het so 'n uiters belangrike deel van die Boere arsenaal kon uitmaak. Ek vier dit vandag! Maar ek dink ook aan vroue as die grootste slagoffers van geweldadige misdaad in Suid Afrika, veral in hul eie huise. Ek dink aan julle vandag.
*
Nee, ek dink nie aan Esmare Weideman vandag nie. Die magtigste boelies in die land sal nooit en deur niemand as slagoffers gesien word nie, ongeag hul geslag of velkleur. So vertraag is ons darem nie almal nie.
*
Objektiveer ons vroue as ons hulle uitbeeld in sexy bikini's soos hierbo. Nee, sê Ayn Rand, vroue in bikinis OBJEKTIVEER DIE MANS VIR WIE HULLE DIT DOEN. Vat so.
*
Nou voel ek beter.
*
 Groot vraag: Moet die media gereguleer word?
Antwoord: Wel, as slegs sekere mense gereguleer word wil ek weet hoekom. ALMAL moet gereguleer word!
Die regering moet verantwoording teenoor ons doen vir dieselfde rede dat ons forseer word om teenoor hulle belasting te betaal. Ons gewone landsburgers het ‘n waghond nodig oor die media (veral die korrupte morone wat ons regeer). Die media in Suid Afrika het hulle sover goed van hul taak gekwyt om nie te ver in die regering se gat op te kruip nie. Dankie tog.
Maar dit is ‘n fout om die media te sien as onfeilbaar. Ek weet nie hoekom die media-sinode weier om dit te aanvaar nie. Effe oukerks, nie? Dit is dan hulle werk om die groot onfeilbares te onttroon? Maar onttroning tel nie vir hulle nie...
McLuhan het voorspel dat die medium groot en magtig sal word. Vandag is die media die grootste institusie op die aardbol en die karwei van inligting ons grootste tyd verdryf. Daarom MOET die media, wat hom lankal nie meer op die underdog status kan beroep nie, ook verantwoordelik teenoor ons. Geen grondwet kan of mag jou boeliestatus verdedig nie. Jammer.
Die ANC het egter nie ‘n saak nie. Die Suid Afrikaanse publiek het wel ‘n saak. Ons verdien die waarhede wat ons s’n is. Dit is ‘n duur waarheid. Ons betaal daarvoor. Agter dit lê die rede hoekom die meerderheid van ons volksgenote nooit uit hul nood verlig sal word nie, omdat ons gelde nie by die regte krisisse uitkom nie.
Onbudsmanne is gekastreerde joernaliste sonder werk. Ek kan nie onthou waneer hierdie leuen van selfregulasie ooit gewerk het nie. Dit is soos om die pous te vra om ‘n ogie te hou oor die sondes van die Vatikaan. Haha.
*
Ek het geweet jy gaan ‘n voorbeeld vra. Man, ek het tonne. Hier’s ene Koos Kombuis. Sy opinies beslaan vir dekades reeds volumes in ons koerante en tydskrifte, waar ‘n demokratiese nosie deur lesers om nie ‘n enkele minuut op die redaksie sal verduur nie. Ons koerante is vrot van liberaal-selfaangestelde joernaliste wat die morele hoëgrond aan Suid Afrikaners gaan verkoop vir pielietjies&pastei. En ons het net soveel plaaslike koerante en tydskrifte. Kyk nou hoe val 100 M&G lesers vir 2 Koos Kombuis leuens, en kyk veral hoe trots is hy daarop hier (My antwoord is op 20 Julie gewees.) Wat 'n tragiese idioot met vrye teuels om ons voor te skryf. Hoekom sou ons so iemand 'n absolute vryheid gun om te misbruik?
*
  Benjamin het Saterdag 7 Augustus verjaar. Sondag kuier die vier seuns by my. Armand sit op sy selfoon, Devon hou die laaities besig. Na ‘n manne-braai skiet ons Maropeng toe vir die kaskar rybaan. Ek sit en kyk hoe vlie die manne om en om, toe Benjamin deur die bande trek en teen ‘n hengse spoed in ‘n boom vas jaag. Sy neus slaan die stuurwiel en die bloed spat. Na baie trane en gepaai en sneesdoekies, spog hy met ‘n neus soos Gerrie Coetzee en lippe soos Angeline Jolie. Agter in die kar slaap hy van skok, sommer so met die ysblokkies op sy opgeswelde neus. Lyk nie gebreek nie, maar ons sal later moet seker maak. Hierdie foto's is geneem oomblikke voor die ongelukkie.
*
Ek weet dit is onCool om te spog oor Facebook vriende, maar ons het die 50 000 merk in etlike maande deurgebreek. Moenie dit onderskat nie. Hoe groter ons netwerke, hoe minder afhanklik is ons van die media. G’n wonder hulle raak desperaat met sensasie nie. Sensasie is WAARHEDE WAT NIE JOUNE IS OM TE SMOUS NIE. “Smous” is die operatiewe woord hier: omdat hierdie media wat vir super-vrywaring wil veg, algar finansiele institusies met ‘n ernstige winsmotief is. Huisgenoot, die grootste sondebok.
Jammer Joost, maar ons weet mos teen hierdie tyd. Stel die vrede in jou siel uit. Vir so twee jaar.
*
Duisend&Een toer het lekker afgeskop. Oz, NZ, Emperors, Windhoek en Kaapstad. Die Boer het gekook en die sjarme van Dolla se plekkie is aansteeklik. Ek het ‘n draai gemaak in Jacobsbaai en sommer weer (vir die 6de keer) verlief geraak. Dis tyd om ‘n huisie daar aan te skaf. Daai vrede en vars vis MOET goed wees vir jou siel.
*
  In Kaapstad het ek, Michelle McClean en Bryan Habana ons handafdrukke op 'n doek gelos in n vlag wat bekendes vir Madiba bou. Hier is Bryan besig met syne. Die bloues is my hande. Ons staan met baie media binne in 'n stadsaal wat ouer is as my stamboom! Hierdie is ook die kamer waar die ou koningin van Engeland haar 21ste gevier het.
*
Ek lees steeds Ayn Rand se Atlas Shrugged (okei, dis 1200 bladsye!) en staan verstom oor die relevansie tot ons Suid Afrikaanse dilemma. Maar my inboks stapel al hoog op. Die boeke toring langs my bed uit en ek sal moet inspring. Hier wag ook twee nuwe boeke van Dries Brunt. Lyk my daar's baie inspirasie in Pta.
*
Duidelik kyk die hele planeet IDOLS. Ek word selfs al voorgestel as Steve Hofmeyr, the IDOLS judge, asof ek eintlik niks anders doen nie. Een verskyning as gasbeoordelaar en letterlik honderde tieners van alle geslagte en nasionaliteite wil gesels oor die onverklaarbare self-vernedering van deelnemers. Swart kinders staan tou vir foto’s en Sandton kugels wil kom praat oor “that wig you were wearing, that was sooo disgusting, doll...“. Ja, ja. Ek het dit geniet, maar meer as een seisoen, en ek begin dalk klink soos Randall wat lank reeds sukkel om sy oneindige verveling te verbloem met vals komplimente. Ek dink dit was onregverdig dat Georgie uitgeval het en ek gaan haar kontak om iets saam my te doen. ‘n Duet genaamd Mara Mampara. Sal werk.
*
 Ek is sopas klaar met ‘n stuk genaamd FORTY THINGS JULIUS MALEMA SHOULD ADMIT. Dit gaan seer wees. Dit begin so:
1. It is time for Julius Malema to admit that Struggle math doesn’t tally because South Africa benefitted from Apartheid the way Africa benefitted from colonialism. Denialism here is blatant hypocrisy.
2. It is time for Julius Malema to admit the gravest acts of genocide were not committed during Apartheid or Colonialism, but during pre and post colonial Africa (read today).
3. It is time for Julius Malema to admit that, unlike American Indian and Australian Aboriginal genocide, first nation population here escalated under British/Afrikaner rule from 10-30 million in a few decades. Verwoerd was building schools round about the time Aussies could obtain licenses to hunt fellow Australians!
4. It is time for Julius Malema to admit that the only real genocide in South Africa was the Koi annihilation by his ancestors and what Shaka and Dingaan did to their own people.
5. It is time for Julius Malema to admit that we lost more lives in the first four years of ANC rule than during the entire four decades of Nationalists rule. That stat should be staggering by now.
6. It is time for Julius Malema to admit that more peace loving Afrikaner farmers are annually slaughtered than South Africans who died during the Sharpeville violence.
7. It is time for Julius Malema to admit that more Boer children died in the Anglo Boer War than South Africans in the entire century of Struggle victims...
Hou hierdie spasie dop vir die ander 33. Ek gaan nie ophou nie. Reguleer my. Maar ek haat die feit dat my belasting geld kitsmijoeners soos Julius Malema oplewer. Bid jou dit aan. Ubhuntu my gwar.
*
Ag, ek is gesond en dit gaan goed. Ek lewe teen een agste van die pas wat ek gewoond was. Dit gee my perspektief en oordeel. Sune help dra aan ‘n las wat sy vinnig leer ken as iets totaal ongewoon, maar vele hande maak dit maklik. Eh, nie wat jy dink nie. Sy sien eerstehands alles waaroor ek kla en soms verstom staan. Dit is so lekker om bevestiging te kry van ‘n buitestander dat so min hier rond normaal is. Net toe ek dog ek raak paranoïes. Haar volwassenheid om kwessies wat my laat struikel, is verbasend. Die vroue publiek is soms so aaklig met haar, maar sy staan sterk agter my en weier om of slagoffer of dood te speel. Taai meisies, die Meyers.
*
As jy nie weet hoe ek voel oor sjokolade nie, lees hier.
*
Lekker week almal.
Toemaar, die ergste koue voel verby.
Ekke
*
Bookmark these four sites to keep in touch with Steve’s everyday doings&writings:
1. Steve se "DIS HOE" dosis op Jakaranda
2. Sy nuwe dinamiese Facebook kring
3. Sy alomberugte webblad (waar jy nou is!)
4. En Twitter (vir daaglikse oppad inskrywings)
5. Of skryf vir lidmaatskap aan die KIT fênklub! Box 288, Cornwall Hill, 0178 en braai saam my teen die einde van die jaar.
|
|
|
|
|
<< Start < Prev 1 2 3 4 5 6 7 8 9 10 Next > End >>
|
|
Page 1 of 24 |
|
